wordpress_gong_-diego

gong song

(mit an gong mitnondo auzisougn)

do franz waar schonn long
gearn mit do erna gong
owwo di se ott sich schonn
do peato gfong
drum isch mit do erna
nicht gong
heggschtns amo a pussl
arause af n gong
erna dess taurt mo zi long
sogg do franz zin schluss
unt isch fa fodruss
in di haidipar gong

schtekkfolla lait
di mussichpox schpiilt
waiwo ploas
aana mit holz pa do wont
hukkt sich in franz af n schoas
nimmp in franz pa do hont
unt sogg franz kana tanz du gfollasch mo
prum plaipsch et do
haam kimsche wo nou

noa is augong
noa is zuigong
unt asou hot sich do franz
longgssom widdo dofong

owwo dess mit do erna
isch waitagong
wail gonz af aamo sogg se zin franz
gea franz sogg se af n gong
kimm miit augn
unt do franz sogg du pisch mo ogong
unt do franz denkt giwortn af dess onne long
unt isch glott mit ier augn
ins schloufzimmo gong
unt sem taurt s et long
unt fellich waar s gong

owwo dou sigg do franz
iwo n pett fa do erna
a fotto fan peato hong
unt dou isch in franz
uune tanz
af aan totsch
olls zomm fogong

inne in di housn unt ausn af n gong
di erna schraigg franz lodd mi et hong

owwo do franz iwolegg et long
unt isch glai widdo zirukk
in di haidipar gong
unt sem pan a pour waiwo
ott a se longgsom dofong
unt pan a pour wischgi
isch do zourn
poll widdo fogong

 

___________________

gong song [gong = pustertalisch „gegangen“; auch „Gang“, Hausflur] // (gemeinsam mit einem Gong zu sprechen) // der Franz wäre schon lang / gern mit der Erna gegangen / doch die hat bereits / der Peter kassiert / drum ist mit der Erna / nichts gelaufen / höchsten mal ein Küsschen / heraußen auf dem Gang / Erna das dauert mir zu lang / sagt der Franz zum Schluss / und ist vor Verdruss / in die Bar Heidi gegangen // rammelvoll / die Jukebox spielt / Weiber massenhaft / eine mit prallvoller Bluse / setzt sich dem Franz auf den Schoß / nimmt den Franz bei der Hand / und sagt Franz kein Scheiß du würdest mir gefallen / warum bleibst du nicht da / nach Hause kommst du noch früh genug // dann ist es abgegangen / dann ist es rundgegangen / und so hat sich der Franz / langsam wieder gefangen // doch das mit der Erna / ist weitergegangen / denn ganz unvermittelt sagt sie zum Franz / geh Franz sagt sie auf dem Gang / komm mit rauf / und der Franz sagt du bist mir abgegangen / und der Franz denkt gewartet darauf hab ich lange / und ist glatt mit ihr rauf / ins Schlafzimmer gegangen / und dort dauert’s nicht lange / und beinah wär’s gegangen // aber da sieht der Franz / über Ernas Bett / ein Foto von Peter hängen / und da ist dem Franz / Knall und Fall / mit einem Mal / alles zusammen vergangen // rein in die Hosen und raus auf den Gang / die Erna schreit Franz lass mich nicht hängen // doch der Franz überlegt nicht lange / und ist gleich wieder zurück / in die Bar Heidi gegangen / und dort bei ein paar Weibern / hat er sich langsam gefangen / und bei ein paar Whisky / ist der Zorn / bald wieder vergangen